ممبئی: بالی ووڈ کنگ شاہ رخ خان نے بھارت میں امریکا کے نئے سفیر ایرک گارسیٹی کے اعزاز میں ممبئی میں اپنے گھر پر دعوت کا اہتمام کیا۔
امریکی سفیر نے ٹویٹر پر شاہ رخ خان سے ملاقات کی تصاویر شیئر کیں جس میں بالی ووڈ اسٹار کے ساتھ ان کی اہلیہ گوری خان بھی موجود ہیں۔
ایرک گارسیٹی نے کیپشن میں لکھا: “کیا یہ میرے بالی ووڈ میں ڈیبیو کا وقت ہے؟
Is it time for my Bollywood debut? 😉 Had a wonderful chat with superstar @iamsrk at his residence Mannat, learning more about the film industry in Mumbai and discussing the huge cultural impact of Hollywood and Bollywood across the globe. #AmbExploresIndia pic.twitter.com/SLRQyhhn8C
— U.S. Ambassador Eric Garcetti (@USAmbIndia) May 16, 2023
امریکی سفیر نے مزید لکھا کہ سپر اسٹار کے ساتھ ان کی رہائش گاہ منت پر شاندار بات چیت ہوئی جس میں ممبئی میں فلم انڈسٹری کے بارے میں مزید معلومات حاصل کیں اور دنیا بھر میں ہالی ووڈ اور بالی ووڈ کے زبردست ثقافتی اثرات پر تبادلہ خیال کیا۔
یاد رہے کہ بالی ووڈ کو کئی یادگار فلمیں دینے والے شاہ رخ خان حال ہی میں اپنی کامیاب ترین فلم پٹھان میں دپیکا پڈوکون کے ساتھ جلوہ گر ہوئے تھے جس کے بعد وہ اپنی نئی فلم ‘جوان’ کی تیاری کر رہے ہیں، فلم میں نینتھارا، وجے سیتھوپتی اور سانیا ملہوترا بھی مرکزی کردار میں ہیں۔
