لاہور: ڈولفن اسکواڈ نے سری پائے بھوننے والوں کے خلاف ایکشن لیتے ہوئے 68 ملزمان کو گرفتار کرلیا۔
ترجمان ڈولفن اسکواڈ ایس پی ز وہیب رانجھا نے اس سلسلے میں بتایا کہ ریاستی اداروں کی طرف سے شاہراہوں پر سری پائے بھوننے پر سخت پابندی عائد ہے۔
ایس پی زوہیب رانجھا کا کہنا تھا کہ اس سے ماحولیاتی آلودگی پھیلتی ہے، نظام تنفس متاثر ہوتا ہےا ور دیگر امراض جنم لیتے ہیں۔
انہوں نے بتایا کہ شاہراہوں پر سری پائے بھوننے پر شہر بھر میں کارروائیاں کی جارہی ہیں اور اب تک 68 ملزمان کو گرفتار کرکے ان کے خلاف مقدمات درج کیے گئے ہیں۔
