غزہ کے خلاف مسلسل حملے “اجتماعی سزا” کے مترادف ہیں کیونکہ جنگ چھٹے روز میں داخل ہونے کے ساتھ ہی خطے میں ہلاکتوں کی تعداد 1,300 سے تجاوز کر گئی ہے۔
اقوام متحدہ کے آزاد ماہرین کے ایک گروپ نے جمعرات کو اس بات پر افسوس کا اظہار کرتے ہوئے کہا کہ غزہ پر مسلسل حملے اجماعی سزا کے مترادف ہیں اور غزہ کے مکمل محاصرے بین القوامی قانون کی کھلی خلاف ورزی ہے۔
اسرائیل نے جمعرات کو کہا کہ غزہ کی پٹی کے محاصرے میں کوئی انسانی بنیادوں پر وقفہ نہیں کیا جائے گا جب تک کہ اس کے تمام یرغمالیوں کو آزاد نہ کر دیا جائے جب ریڈ کراس نے ایندھن کی درخواست کی تھی تاکہ مغلوب ہسپتالوں کو “مرد خانے میں تبدیل ہونے” سے روکا جا سکے۔
اسرائیل نے ہولوکاسٹ کے بعد یہودیوں پر ہونے والے مہلک ترین حملے کے بدلے میں غزہ کی پٹی پر حکمرانی کرنے والی حماس تحریک کو ختم کرنے کا عزم کیا ہے۔
عوامی نشریاتی ادارے کان نے کہا کہ ہفتے کے روز سے اسرائیلی ہلاکتوں کی تعداد بڑھ کر 1300 سے زیادہ ہو گئی ہے۔ زیادہ تر شہریوں کو ان کے گھروں، سڑکوں میں گولیوں کا نشانہ بنایا گیا۔ سینکڑوں اسرائیلی اور غیر ملکی یرغمالیوں کو غزہ واپس لے جایا گیا۔
اسرائیل نے اب تک جوابی کارروائی کرتے ہوئے 2.3 ملین افراد کی رہائش گاہ کو مکمل محاصرے میں لے لیا ہے اور اب تک کی سب سے طاقتور بمباری کی مہم شروع کی ہے، جس سے پورے محلوں کو تباہ کر دیا گیا ہے۔
غزہ حکام کے مطابق بمباری میں 1354 افراد شہید اور 6049 زخمی ہوئے ہیں۔ واحد الیکٹرک پاور اسٹیشن بند کر دیا گیا ہے اور ہسپتالوں میں ایمرجنسی جنریٹرز کے لیے ایندھن ختم ہو رہا ہے۔
