ممبئی: بالی وڈ کے نامور اداکار اور کامیڈین جاوید جعفری نے ایک بار پھر فلسطینیوں کے حق میں آواز اٹھادی۔
اداکار اسرائیل اور فلسطین کی جنگ کے ابتداء سے مظلوم لوگوں کی حمایت کیلئے سوشل میڈیا پر کوشاں ہیں اور تنازع کے متعلق مداحوں میں آگاہی پھیلارہے ہیں۔
سماجی رابطے کی ویب سائٹ ایکس پر اداکار نے ایک لفظ ’حماس لائٹنگ‘ Hamaslighting کی وضاحت پر ایک اسکرین شاٹ شیئر کیا ہے۔
’حماس لائٹنگ‘ کی اصطلاح کا مطلب عام لوگوں کو کنفیوز کرنا ہے تاکہ معصوم فلسطینیوں کے خلاف اسرائیل نسل کشی جاری رکھی جاسکے۔
— Jaaved Jaaferi (@jaavedjaaferi) November 22, 2023
اس اصطلاح کو فلسطینیوں کی نسل کشی پر توجہ ہٹانے کیلئے اسرائیلی حکام کی طرف سے استعمال کیا جاتا ہے، وہ گفتگو میں بار بار ’لیکن حماس‘ کے الفاظ استعمال کرتے ہیں تاکہ لوگوں کو دھوکہ دے سکیں۔
واضح رہے کہ جاوید جعفری اس سے قبل بھی متعدد سوشل میڈیا پوسٹوں میں فلسطینیوں پر اسرائیلی جارحیت کی شدید مذمت کرچکے ہیں۔
