مدینہ منورہ: وزارت حج و عمرہ کے تحت عمرہ و زیارت فورم کا انعقاد مدینہ منورہ میں اگلے ہفتے ہوگا۔
تفصیلات کے مطابق عمرہ و زیارت فورم گورنر مدینہ منورہ شہزادہ سلمان بن سلطان کی سرپرستی میں ہوگا۔
فورم میں وژن 2030 کے تحت دنیا بھر کے زیادہ سے زیادہ مسلمانوں کو عمرہ و زیارت کا موقع فراہم کرنے اور بہترین خدمات پیش کرنے پر روشنی ڈالی جائے گی۔
فورم میں حج و عمرہ زیارت کے شعبے سے وابستہ تمام سرکاری و نجی اداروں کی شرکت ہوگی۔
