لاہور: پنجاب کے دارالحکومت میں تیز آندھی کے ساتھ بارش شروع ہوتے ہی مختلف علاقوں میں بجلی غائب ہو گئی، جس سے لوگوں کو کافی پریشانی کا سامنا ہے۔
میڈیا رپورٹس کے مطابق آندھی اور بارش کے باعث بجلی کا ترسیلی نظام بری طرح متاثر ہو گیا، لیسکو کے 320 سے زائد فیڈرز ٹرپ کر گئے، فیڈرز ٹرپ ہونے اور دیگر تکنیکی خرابیوں کے باعث متعدد علاقوں میں بجلی بند ہو گئی۔
علامہ اقبال روڈ، رنگ روڈ، دھرم پورہ،ایبٹ روڈ، لکشمی چوک، فتح گڑھ، ہربنس پورہ سمیت دیگر علاقوں میں گرد آلود ہوائیں چلنے کے ساتھ بارش ہوئی، جہاں بجلی غائب ہوتے ہی لوگوں کو کافی مشکلات کا سامنا کرنا پڑا۔
