آئی سی سی ٹی ٹوئنٹی ورلڈ کپ 2024 کے لیے پاکستان کے 15 کھلاڑیوں کے نام فائنل ہوگئے۔
ذرائع کا کہنا ہے کہ قومی اسکواڈ میں 5 فاسٹ بولرز، 4 آل راؤنڈرز، 3 وکٹ کیپرز، 2 بیٹرز اور ایک اسپنر شامل ہوگا۔
ذرائع کا کہنا ہے کہ قومی اسکواڈ میں کپتان بابر اعظم، صائم ایوب ،فخر زمان، عثمان خان، محمد رضوان ،اعظم خان، شاداب خان ، افتخار احمد اور عماد وسیم شامل ہیں۔
ذرائع کے مطابق محمد عامر ، شاہین شاہ آفریدی، ابرار احمد ، عباس آفریدی اور نسیم شاہ بھی قومی اسکواڈ میں شامل ہوں گے۔
ذرائع کے مطابق فاسٹ بولر حارث رؤف مکمل فٹ ہیں اور وہ بھی ورلڈ کپ کے اسکواڈ میں شامل ہوں گے۔
3 ٹریول ریزروز میں سلمان علی آغا، حسن علی اور عرفان نیازی ہوں گے۔
واضح رہے کہ آئی سی سی ٹی ٹوئنٹی ورلڈکپ 2 جون سے امریکا اور ویسٹ انڈیز میں کھیلا جائے گا۔
