اسلام آباد ( نمائندہ جسارت) عالمی بینک نے پنجاب حکومت کے فنڈز روک لیے ہیں۔ بتایا گیا ہے کہ عالمی بینک نے پنجاب حکومت کو 1ارب 39کروڑ روپے کی قسط ادا کرنا تھی لیکن پنجاب حکومت کی سست روی کی بنیاد پر عالمی بینک نے قسط ادا کرنے سے انکار کر دیا ہے۔قسط کی ادائیگی روکنے کی وجہ عالمی بینک کی جانب سے محکمہ ماحولیات کو گرین ڈویلپمنٹ پروگرام کی مد میں دیئے گئے ٹاسک پورا نہ کرنا بتائی جاتی ہے۔ واضح رہے کہ عالمی بینک نے پنجاب حکومت کو ماحولیاتی پالیسی پر لیگل فریم ورک تیار کرنے کا ٹاسک دیا گیا تھا۔
