کراچی ( پ ر ) پروفیسر سید سراج الاسلام بخاری سابق صدر کراچی سٹی کرکٹ ایسوسی ایشن نے سابق فرسٹ کلاس امپائر مرحوم جنید غفور مرحوم کے انتقال پر گہرے رنج و غم کا اظہار کیا ہے اور ان کی خدمات پر زبردست خراج عقیدت پیش کیا۔ اور اپنی جانب سے ان کی روح کے ایصال ثواب کے لیے قرآن خوانی کا کل بروز پیر 22 جولائی عصر اور مغرب کے درمیان فاروقی مسجد، مارٹن/کلیٹن کوارٹرز اہتمام کیا ہے ۔ اس سلسلے میں انہوں نے احباب سے شرکت کی درخواست کی ہے۔
