ٹوکیو: جاپان کے وزیر اعظم اور حکمراں جماعت لبرل ڈیمو کریٹک پارٹی کے صدر فومیو کشیدا نے عہدے سے مستعفی ہونے کا اعلان کر دیا۔
غیر ملکی میڈیا کے مطابق جاپانی وزیر اعظم فومیو کشیدا نے اپنے بیان میں کہا کہ عوام کے اعتماد کے بغیر سیاست نہیں چل سکتی، اگلے ماہ عہدے سے مستعفی ہو جائوں گا۔
فومیو کشیدا نے کہا کہ سیاسی اصلاحات آگے بڑھانے کے عزم کے ساتھ مستعفی ہونے کا فیصلہ عوام کے لیے کیا، لبرل ڈیموکریٹک پارٹی کے لیڈر کے طور پر دوبارہ انتخاب بھی نہیں لڑوں گا۔
خبر رساں ادارے کے مطابق فومیو کشیدا کی ایل ڈی پی رواں برس ستمبر میں پارٹی صدر کا انتخاب کرے گی۔
