کراچی: امیر جماعت اسلامی حافظ نعیم الرحمان نے کہا کہ بیورو کریٹس اورعدلیہ کو آئین کی حدود کی پابندی کرنی ہوگی۔
شہر قائد میں حافظ نعیم الرحمان نے ناظمین و ذمہ داران سے خطاب کرتے ہوئے کہا کہ سیاسی جماعتوں میں خود جمہوریت نہیں ہے، سیاسی جماعتیں اسٹیبلشمنٹ کے سہارے اقتدار میں آتی ہیں۔
ان کا کہنا تھا کہ اپوزیشن جماعتوں میں کنفیوژن ہے، جماعت اسلامی کنفیوژن کا شکار جماعتوں کا ساتھ نہیں دے سکتی، ہمارا واضح فیصلہ ہے کہ کسی سیاسی اتحاد کا حصہ نہیں بنیں گے، ہمارا اتحاد نوجوانوں اور عوام کے ساتھ ہوگا۔
حافظ نعیم الرحمان کا مزید کہنا تھا کہ 28 اگست کو ملک گیر پرامن تاریخی شٹر ڈاؤن ہڑتال ہو گی، یکم ستمبر سے ممبر شپ مہم کا بھر پور آغاز ہوگا۔
