پاکستان اور بنگلادیش کے درمیان راولپنڈی میں شیڈول دوسرے ٹیسٹ کے پہلے دن کا کھیل بارش اور گیلی آؤٹ فیلڈ کے باعث منسوخ کردیا گیا۔
راولپنڈی کرکٹ اسٹیڈیم میں کھیلے جانے والے میچ میں بارش اور گیلی آؤٹ فیلڈ کے باعث ٹیسٹ میچ کا پہلے دن کا کھیل ممکن نہیں ہوسکا تھا اور میچ ٹاس بھی نا ہوسکا۔
راولپنڈی اور اسلام آباد میں صبح سے بارش کا سلسلہ جاری ہے جبکہ بارش کے باعث راولپنڈی کرکٹ اسٹیڈیم کی بیشتر آؤٹ فیلڈ پر پانی جمع ہے اور پچ کو مکمل ڈھانپ دیا گیاہے۔ ۔
خیال رہے کہ دو ٹیسٹ میچوں کی سیریز میں بنگلا دیش کو 0-1 کی برتری حاصل ہے۔
