ماسکو (انٹرنیشنل ڈیسک) چین نے بحر الکاہل کے شمال مغرب میں روس کے ساتھ مشترکہ فوجی مشقوں کا آغاز کردیا ۔ خبر رساں ادارے کی رپورٹ کے مطابق مشترکہ مشقوں کے دوران فوجیوں کو آبدوزوں کے ساتھ لڑائی اور انہیں ناکارہ بنانے کی تربیت فراہم کی جارہی ہے۔ روسی وزارت دفاع کے مطابق فوجی مشقیں دونوں ملکوں کے شمال مغربی بحرالکاہل میں جاری مشترکہ پیٹرولنگ کاروائیوں کا ایک حصہ ہیں۔ مشقوں میں چین کی جانب سے جنگی جہازوں کے علاوہ ایک پیٹرول ٹینکر اوراینٹی سب میرین صلاحیت کے حامل 3نیول ہیلی کاپٹر شامل ہیں۔
