مقبوضہ کشمیر کے مختلف علاقوں میں یومِ دفاع پاکستان کے موقع پر پوسٹر آویزاں کیے گئے۔
کشمیر میڈیا سروس کے مطابق ان پوسٹروں پر فیلڈ مارشل سید عاصم منیر کی تصاویر شائع کی گئی ہیں۔ رپورٹ میں بتایا گیا کہ سرینگر سمیت کئی مقامات پر لگائے گئے ان پوسٹروں میں کشمیری عوام نے بھارت کے غیر قانونی تسلط سے آزادی کے اپنے غیر متزلزل عزم کو ایک بار پھر اجاگر کیا۔
پوسٹروں میں کہا گیا ہے کہ وہ دن دور نہیں جب جموں و کشمیر آزاد ہوگا اور کشمیری عوام کو ان کے جائز حقوق میسر آئیں گے۔ اس کے ساتھ ہی بھارت کو خبردار کیا گیا ہے کہ وہ کشمیریوں کے خلاف اپنے مذموم عزائم ترک کرے اور خطے پر غیر قانونی قبضے کا خاتمہ کرے۔
