ہری پور : خیبر پختونخوا کے وزیرِاعلیٰ سہیل آفریدی نے کہا ہے کہ انتخابی نتائج تبدیل کیے گئے تو حالات خراب ہوسکتے ہیں، ملک میں جلد ہی کوئی کچھ بڑا ہونے والا ہے۔
ہری پور میں جلسہ عام سے خطاب کرتے ہوئے اُنہوں نے کہا کہ پی ٹی آئی قیادت اور اُن کے اہلخانہ نے ملک کے لیے بڑی قربانیاں دیں،انہوں نے دعویٰ کیا کہ پاکستان کے مقبول رہنما اور اُن کی اہلیہ جیل میں ہیں جبکہ اڈیالہ جیل کے باہر عمران خان کی بہنوں پر مبینہ تشدد کیا گیا۔
سہیل آفریدی نے کہا کہ اس لیے عوام 23 تاریخ کو ہونے والے ضمنی انتخابات میں پی ٹی آئی کو ووٹ دیں۔ اُن متبنہ کیا کہ اگر انتظامیہ یا پولیس نے دھاندلی کی کوشش کی تو اس کے سنگین نتائج ہوں گے۔
وزیرِاعلیٰ کے پی نے مزید کہا کہ انتخابی نتائج تبدیل کیے گئے تو حالات خراب ہوسکتے ہیں اور موجودہ سیاسی منظرنامے میں بہت جلد کوئی بڑا واقعہ سامنے آسکتا ہے۔
