بیکاسی میں دو مسافر ٹرینوں کے درمیان خوفناک تصادم کے نتیجے میں کم از کم 14 افراد جاں بحق اور 84 افراد زخمی ہوگئے ہیں۔ یہ واقعہ دارالحکومت جکارتا کے قریب پیش آیا۔
ریلوے حکام کے مطابق حادثہ بیکاسی ریلوے اسٹیشن پر پیش آیا جہاں دونوں ٹرینیں آپس میں ٹکرا گئیں۔ ایک ٹرین میں تقریباً 240 مسافر سوار تھے جو محفوظ رہے، جبکہ دوسری ٹرین میں سوار مسافروں کے ریسکیو آپریشن جاری ہیں۔
زخمیوں کو فوری طور پر قریبی اسپتال منتقل کیا گیا ہے جہاں انہیں طبی امداد فراہم کی جا رہی ہے۔ حکام کا کہنا ہے کہ حادثے کی وجوہات جاننے کے لیے تحقیقات شروع کر دی گئی ہیں اور خدشہ ہے کہ ہلاکتوں میں مزید اضافہ ہو سکتا ہے۔
