گورنر خیبرپختونخوا نے افغان طالبان کی جعلی دھمکی کا جواب داغ دیا

گورنر خیبرپختونخوا نے افغان طالبان حکام کے اشتعال انگیز بیانات پر سخت ردعمل دیا ہے۔ انہوں نے کہا کہ پشاور کو دھمکیاں دینے کا حق کسی کو حاصل نہیں۔

بیان میں کہا گیا کہ پشاور افغان طالبان حکام کا نہیں کہ وہ اسے دھمکیاں دیں۔ افغانستان کو بھارت سے سبق سیکھنا چاہیے۔

پاکستان کی بہادر مسلح افواج نے ماضی میں ملک کی خودمختاری کا دفاع کیا ہے اور آئندہ بھی وطن کے ایک ایک انچ کا دفاع کرتی رہیں گی۔

بیان کے مطابق عوام، حکومت اور مسلح افواج متحد ہیں، کوئی دھمکی پاکستان کے عزم کو متزلزل یا ملک کے دفاع کے عزم کو کمزور نہیں کر سکتی۔