شوپیاں/پولیس نے شوپیاں ضلع میں سوشل میڈیا کے ذریعے سرکاری افسر بن کر لوگوں کو دھوکہ دینے کے الزام میں ایک شخص کے خلاف مقدمہ درج کیا ہے۔
حکام کے مطابق ملزم مختلف سرکاری انتظامی دفاتر کے افسران کا روپ دھار کر لوگوں کو دھوکہ دینے میں ملوث تھا۔
ایک عہدیدار نے بتایا کہ ملزم پر سرکاری ملازم کا روپ دھارنے، دھوکہ دہی اور فراڈ، مجرمانہ دھمکی دینے اور ناجائز طور پر راستہ روکنے جیسے الزامات عائد کیے گئے ہیں۔
ملزم کی شناخت عمر شمیم گنائی ولد محمد شمیم گنائی، ساکن میمندر، شوپیاں کے طور پر ہوئی ہے۔
عہدیدار نے بتایا کہ اس سلسلے میں ایف آئی آر نمبر 207/2026 متعلقہ دفعات کے تحت درج کر لی گئی ہے اور معاملے کا قانونی طور پر نوٹس لیتے ہوئے کارروائی شروع کر دی گئی ہے۔
