واشنگٹن (انٹرنیشنل ڈیسک) امریکی عدالت نے داعش کی رکن خاتون ہدیٰ مثنیٰ کو غیر امریکی قرار دینے سے متعلق حکومتی فیصلے کی توثیق کردی۔ خبررساں اداروں کے مطابق ہدیٰ کی پیدایش امریکا ہی کی ہے اور وہ ایک یمنی سفارت کار کی بیٹی ہے۔ ہدیٰ کے بیرون ملک رہنے کی وجہ سے امریکی حکومت نے فیصلہ کیا تھا کہ وہ کہ امریکی شہری نہیں ہے کیوں کہ پیدایش کے وقت اس کے والد امریکی شہری نہیں بلکہ ایک غیر ملکی سفارت کار تھے۔ اس کے بعد فیڈرل ڈسٹرکٹ جج ریگی والٹن نے حکومت کے فیصلے کو برقرار رکھا۔