غلام سرور اور ظفر مرزا کا اسلام آباد ائرپورٹ پر کوروناوائرس سے متعلق ہیلتھ کاؤنٹرز کا معائنہ

اسلام آباد (اے پی پی) وزیر برائے ہوا بازی غلام سرور خان نے پیر کو اسلام آباد ائرپورٹ کا دورہ کیا۔ غلام سرور خان نے اسلام آباد ائرپورٹ پر کوروناوائرس سے متعلق احتیاطی تدابیر اور ہیلتھ کاؤنٹرز کا معائنہ کیا۔ وزارت صحت کے عملے نے وفاقی وزیر کو چین سے آنے والے مسافروں کی اسکریننگ کے عمل سے متعلق بریفنگ دی۔ علاوہ ازیںوزیراعظم کے معاون خصوصی برائے صحت ڈاکٹر ظفر مرزا نے اسلام آباد ائر پورٹ کا دورہ کیا اور چین سے آنے والی پرواز کے مسافروں کی پاکستان آمد پر کورونا وائرس کی اسکریننگ کے لیے اٹھائے گئے اقدامات کا جائزہ لیا۔