چیئرمین یوٹیلٹی اسٹورز ذوالقرنین خان کا کہنا ہے کہ بغیر ٹینڈر چینی خریدنے کی سمری منظوری کیلیے کابینہ کو بھجوا دی ہے۔
ایک بیان میں انہوں نے بتایا کہ شوگر ملز مالکان سے ایک لاکھ ٹن چینی خریدی جائے گی، شوگر ملز مالکان یوٹیلٹی اسٹورز کو سستے نرخوں چینی دیں گے۔
چیئرمین یوٹیلٹی اسٹورز ذوالقرنین نے کہا کہ جہانگیر ترین سے 20 ہزار ٹن چینی خریدی جائے گی اور جہانگیر ترین نے سب سے کم ریٹ دیے ہیں جب کہ جہانگیرترین کے علاوہ 80 ہزار ٹن چینی مختلف شوگر ملز سےخریدنے کی تجویز ہے۔
چیئرمین یوٹیلٹی اسٹورز نے کہا کہ جہانگیر ترین 67روپے فی کلو چینی فروحت کریں گے اور دوسرے شوگر ملز مالکان 70 روپے فی کلو دیں گے۔
ان کا کہنا تھا کہ بغیر ٹینڈر کے چینی خریدنے کی سمری منظوری کیلیے کابینہ کو بھجوا دی ہے اور وفاقی کابینہ کی منظوری کے بعد چینی خریدی جائے گی۔
