ابوجا (نائجیریا) میں توہین رسالت پر مبنی گانا بنانے والے گلوکار کو سزائے موت سنادی گئی۔
غیر ملکی خبررساں ادارے کے مطابق نائجیریا میں 22 سالہ شریف امینو نامی گلوکار نے مارچ کے مہینے میں توہین آمیز گانا بنا کر اسے واٹس ایپ کے ذریعے پھیلایا تھا جس کے جرم میں اسے مقامی عدالت نے سزائے موت کا حکم سنایا ہے۔
گانا نشر کرنے پر ملک بھر میں سدید احتجاج بھی ہوا تھا جس مں مظاہرین نے گلوکار کے گھر کو توڑ دیا تھا جبکہ وہ خود چھپ گیا تھا۔
2 روز قبل شرعی عدالت کے جج خادی علیو محمد کانی نے 22 سالہ گلوکار کو سزائے موت سنائی اور کہا ہے کہ وہ اس سزا کے خلاف اپیل کرسکتا ہے۔
خیال رہے کہ مجرم نے عدالت کے روبرو خود پر لگنے والے الزامات کا انکار نہیں کیا ہے۔