سری نگر:بھارتی فوج نے مقبوضہ کشمیر میں ایک بار پھر ریاستی دہشتگردی کا مظاہرہ کرتے ہوئے مزید چار نوجوانوں کو اپنی ظلم و بربریت کا نشانہ بناڈالا۔
کشمیر میڈیا سروس کےمطابق بھارتی فوج نے ضلع شوپیاں کے علاقے کیلوڑہ میں نام نہاد سرچ آپریشن کے دوران فائرنگ کرکے 4 کشمیری نوجوانوں کو شہید کردیا ہے۔
نوجوانوں کی شہادت کے خلاف کلگام میں عوام احتجاج کرتے ہوئے سڑکوں پر نکل آئے۔
دوسری جانب کشمیر کی کٹھ پتلی انتظامیہ نے مقبوضہ وادی میں محرم الحرام کے جلوس نکالنے پر پابندی لگادی ہے، انتظامیہ نے پابندی کی خلاف ورزی پرسینکڑوں افراد کو گرفتار بھی کرلیا ہے۔
انتظامیہ نے سری نگر ، بارہ مولا، بڈگام سمیت دیگر علاقوں میں محرم کے جلوس روکنے کیلئے بھارتی فوج اور پولیس کو تعینات کردیا ہے۔