ترکی اور آذربائیجان نے عوام کی سہولت کے لیے صرف شناختی کارڈ پر ایک دوسرے کے شہریوں کو ملک میں داخلے کی اجازت دے دی۔
ترک وزیر خارخہ مولود چاوش نے ٹوئٹر پر بتایا کہ ترکی اور آذربائیجان کے مابین ایک پروٹوکول پر دستخط کیے گئے ہیں جس کے تحت دونوں ممالک کے شہری صرف شناختی کارڈ پر ایک دوسرے کے ملک میں سیر و تفریح کر سکیں گے۔
انہوں نے لکھا کہ دونوں ممالک کے شہریوں کو داخلے کے لیے ویزہ اور پاسپورٹ کی ضرورت نہیں ہوگی اور ان کا داخلہ صرف شناختی کارڈ پر ممکن ہو سکے گا۔
Pasaport ❌
Vize ❌
Kimlik Kartı ✅Kardeşim @bayramov_jeyhun’la imzaladığımız protokolle Türkiye-Azerbaycan arasında çok yakında sadece kimlik kartımızla seyahat edebileceğiz.
“Tek Millet İki Devlet”e de bu yakışır!
Hayırlı olsun! 🇹🇷🇦🇿 pic.twitter.com/ckWtgLWpk9— Mevlüt Çavuşoğlu (@MevlutCavusoglu) December 10, 2020
انہوں نے نیک تمناؤں کا اظہار کرتے ہوئے کہا کہ انشاء اللہ یہ فیصلہ خیروبرکت کا وسیلہ ہوگا، یک ملت دو ریاست کو یہی زیب دیتا ہے۔
دوسری جانب انقرہ تُرک صدر رجب طیب اِردوان نے کہا ہے کہ آرمینیا کی جانب سے مثبت اقدامات کی صورت میں تعلقات بحال کیے جاسکتے ہیں۔ انہوں نے آذربائیجان کے دورے سے واپسی پر میڈیا سے گفتگو کرتے ہوئے کہا کہ کاراباخ کی فتح سے خطے میں امن و استحکام کا نیا دور شروع ہوگا۔
انہوں نے کہا کہ 6 رکنی پلیٹ فارم قائم کرنے کی کوشش جاری ہے،جس میں روس، ترکی، آذربائیجان، ایران جارجیا اورممکنہ طور پر آرمینیا کو بھی مدعو کیا گیا ہے۔ اگر آرمینیا کی جانب سے مثبت اقدامات کیے گئے تو ہم اس سے تعلقات کی بحالی پر غور کریں گے اور یہ خود آرمینیا کے بھی مفاد میں ہوگا۔