بنوں(آن لائن)افغانستان میں شمالی وزیرستان کا اہم شدت پسند کمانڈر احسان اللہ المعروف سانولے مارا گیا، افغان نیشنل آرمی نے افغانستان میں ایک آپریشن کے دوران اس کے2 دیگر ساتھی گرفتار کرلیے گئے ۔ احسان اللہ گردے کے عارضے میں مبتلا تھے،ساتھیوں نے افغانستان کے کسی نجی اسپتال میں علاج کے لیے داخل کیا تھا افغان نیشنل آرمی نے سانولے کی موجودگی کی اطلاعات پر فوری کارروائی کی مزاحمت کرنے پر احسان اللہ المعروف سانولے کو گولی مار کرہلاک کردیا ہے ،احسان اللہ کا تعلق شمالی وزیرستان کے علاقے سپلگہ سے تھا لاش کو افغانستان کے صوبہ پکتیکا کے علاقے لمن میں واقع طالبان کے مرکز میں پہنچا دیا گیا۔
