لاہور(آئی این پی)پاکستان کرکٹ ٹیم کیسابق چیف میڈیکل آفیسر توصیف خان نے انکشاف کیا ہے کہ 2003میں وسیم اکرم کوان فٹ قراردینے کے لیے مجھ پر شدید دبائو ڈالا گیا۔اپنے ویڈیو بیان میں توصیف خان کا کہنا تھا کہ اس وقت ٹیم میں موجود چند کھلاڑی وسیم اکرم کے سخت خلاف تھے، مجھ پر دبائو ڈالا گیا وسیم اکرم کو ان فٹ قرار دوں، بڑی انجری سے چھٹکارا پانا ہر کھلاڑی کے بس کی بات نہیں، وسیم اکرم ذہنی اور جسمانی طور پر بہت مضبوط انسان ہے۔توصیف خان کا مزید کہنا تھا کہ وسیم اکرم کی جگہ کوئی اور ہوتا تو سازشوں کا مقابلہ نہیں کرسکتا تھا، سابق چیئرمین توقیر ضیا نے بھی وسیم اکرم کو سپورٹ کیا، آج ٹی وی پر ساتھ بیٹھے قومی کرکٹرز ماضی میں اس طرح ساتھ ہوتے تو ان سے بڑی طاقت کوئی نہیں تھی۔