ڈھاکا (انٹرنیشنل ڈیسک) بنگلہ دیش میں اپوزیشن کارکنوں اور پولیس کے درمیان جھڑپوں میں 20افراد زخمی ہو گئے۔ پولیس نے مظاہرین کے خلاف آنسو گیس بھی استعمال کی۔ سابق وزیر اعظم خالدہ ضیا کے حامیوں نے حکومت سے مطالبہ کیا کہ انہیں علاج کے لیے بیرون ملک بھیجا جائے۔ ذرائع ابلاغ کے مطابق اپوزیشن رہنما خالدہ ضیا اس وقت ڈھاکا کے ایک اسپتال کے آئی سی یو وارڈ میں زیر علاج ہیں۔ ان کا تعلق بنگلادیش نیشنلسٹ پارٹی سے ہے اور وہ عوامی لیگ سے تعلق رکھنے والی موجودہ وزیر اعظم شیخ حسینہ کی دیرینہ حریف ہیں۔