محکمہ معدنیات پنجاب نے صوبائی حکومت سے محکمہ کے لئے 26 نئی گاڑیاں مانگ لی ہیں۔ اس سلسلے میں سیکرٹری معدنیات کی جانب سے پنجاب حکومت کو بھیجے گئے مراسلے میں کہا گیا ہے کہ محکمہ معدنیات پنجاب کے زیر استعمال بیشتر گاڑیاں ناکارہ ہوچکی ہیں جس کے باعث محکمہ کے افسران کے لئے فیلڈ انسپکشن کے امور انجام دینا انتہائی مشکل ہو کر رہ گیا ہے۔ لہٰذا فوری طور پر محکمہ کو نئی 26 گاڑیاں فراہم کی جائیں تاکہ افسران نئی گاڑیوں پر صوبہ بھر کے تمام اضلاع میں جا کر فیلڈ انسپکشن کے امور انجام دے سکیں۔
