جہلم: جہلم میں پکنک پر جانے والی طالبات کی گاڑی پُل سے نیچے گر گئی جس کے نتیجے میں 2 طالبات اور ایک خاتون ٹیچر جاں بحق ہوگئیں۔
ریسکیو حکام کے مطابق حادثہ دینہ کے قریب پیش آیا، پرائیویٹ اسکول کا ٹرپ لاہور سے مری جا رہا تھا، گاڑی میں طلبا اور طالبات سوار تھیں۔
ریسکیو حکام کے مطابق حادثے میں 13 افراد زخمی بھی ہوئے جن میں سے 2 کی حالت تشویش ناک ہے۔
ذرائع کے مطابق جی ٹی روڈ دینہ کے قریب اوور ٹیک کرتے ہوئے ڈرائیور سے گاڑی بے قابو ہوکر پل سے نیچے ریلوے ٹریک پر جاگری۔