پاک فضائیہ کے شعبہ تعلقات عامہ نے 1971 کی پاک بھارت جنگ کے ہیرو فلائٹ لیفٹیننٹ غلام مرتضی شہید، تمغہ جرت اور فلائٹ لیفٹیننٹ جاوید اقبال شہید، تمغہ جرت کے جنگی کارناموں پر مبنی مختصر دورانیے کی دستاویزی فلم جاری کر دی۔ پاک فضائیہ کے ترجمان کے مطابق دستاویزی فلم میں پاکستان کے ان جانباز سپوتوں کے ولولہ انگیز اور بےخوف جنگی کارناموں کو اجاگر کیا گیا ہے جنہوں نے وطن عزیز کی خاطر اپنی جان کا نذرانہ پیش کرتے ہوئے شہادت کا عظیم رتبہ حاصل کیا۔