لاہور(نمائندہ خصوصی) پاکستان سپرلیگ کے 7 ویں ایڈیشن سے قبل شائقین کی دلچسپی کے لیے پی ایس ایل کی ٹرافی کی نقل قذافی اسٹیڈیم کے باہرسجا دی گئی۔پاکستان کرکٹ بورڈ کی جانب سے پاکستان سپرلیگ کے 7 ویں ایڈیشن کی تیاریاں آخری مراحل میں ہیں، شائقین کرکٹ کی دلچسپی کیلئے پی ایس ایل ٹرافی کی قد آدم نقل لاہورکے قذافی اسٹیڈیم کے باہرسجا دی گئی۔مصنوعی ٹرافی کے ساتھ کپتانوں اوراسٹار کھلاڑیوں کی ایکشن تصاویر بھی دیکھنے والوں کواپنی جانب متوجہ کررہی ہیں۔ قذافی اسٹیڈیم کے گراؤنڈ میں 2 نئی پریکٹس پچز کے ساتھ پرانی وکٹوں پربھی تازہ مٹی ڈال کرتیاری کے لیے چھوڑ دیا گیا ہے۔