اسلام آباد: خاتون اول بشری بی بی کی دوست فرح خان نے تمام افواہوں کی تردید کردی۔
سماجی رابطے ویب سائٹ ٹوئٹر پر فرح خان نے کہا کہ وزیر اعظم عمران خان اور خاتون اول کے خلاف سوشل میڈیا پر پروپیگنڈا کیا جا رہا ہے۔
انہوں نے کہا کہ خاتون اول بشری بی بی میرے گھر قیام پذیر نہیں، بنی گالا میں ہیں، سیاست میں اتنا نہیں گرنا چاہیے کہ ذاتی زندگیوں پر جھوٹ بولے جائیں۔
جھوٹ پر مبنی واٹس اپ میسیج کے ذریعے وزیراعظم اور خاتون اول کے خلاف پراپیگنڈا کیا جا رہا ہے۔ خاتون اول میرے گھر قطعا قیام پذیر نہیں اور بنی گالا اسلام آباد میں موجود ہیں۔ سیاست میں اتنا نیچے نہیں گرنا چاہیے کہ لوگوں کی ذاتی زندگیوں پر جھوٹ بولے جائیں.
— iam Farah Khan (@farahkhan_92) February 12, 2022
وزیراعظم اور خاتون اوّل بشری عمران خان کے بارے گھٹیا اور من گھڑت خبریں دینے پر پہلے ہی نجم سیٹھی کے خلاف ہم عدالت میں ہیں۔ابھی بھی جو لوگ خاتون اوّل کے بارے جھوٹی خبریں پھیلا رہے ہیں ان کے خلاف سخت قانونی چارہ جوئی کی جائے گی۔خاتون اوّل اور وزیراعظم دونوں اسلام آباد میں موجود ہیں
— Dr. Shahbaz GiLL (@SHABAZGIL) February 12, 2022