لندن (آن لائن) وزیراعظم پاکستان عمران خان کی سابق اہلیہ جمائما گولڈ اسمتھ افغانستان کے آدھے اثاثے امریکا میں رکھنے کے امریکی فیصلے پر برہم ہوگئیں، انہوں نے امریکی حکومت کے اس فیصلے پر اعتراض کرتے ہوئے اپنے ٹوئٹ میں لکھا کہ افغان مائیں اپنے بچوں کو بھوک سے بچانے کیلیے اپنے اعضاء بیچ رہی ہیں تو یہ اخلاقی طور پر ناقابلِ دفاع ہے۔ انہوں نے لکھا کہ9/11 میں ایک بھی افغان شہری ملوث نہیں تھا۔