حیدرآباد(اسٹاف رپورٹر)حیدرآباد پولیس نے نیاز اسٹیڈیم کے قریب موجود کار میں ایک لاش برآمد کرلی جسے سر میں وزنی شے سے ضرب لگا مارکر قتل کیا گیا ، مقتول کی شناخت نہیں ہوسکی ۔ جی او آر پولیس نے نیاز اسٹیڈیم کے قریب سے ایک کار کی پچھلی سیٹ پر نامعلوم شخص کی لاش اپنی تحویل میں لے لی جس کے بارے میں پولیس کا کہنا ہے کہ وہ ایک دن پرانی لاش ہے اور اسے بھاری شے سے ضرب لگا کر قتل کیا گیا ہے۔ لاش سول اسپتال کے مردہ خانے میں رکھوادی گئی ہے جس کی شناخت نہیں ہوسکی ہے، پولیس کا کہنا ہے کہ ایسا محسوس ہوتا ہے کہ اسے دشمنی کی بناپر مارا گیا ہے۔