ریاض (انٹرنیشنل ڈیسک) یمنی باغیوں نے سعودی شہر جازان کے ہوائی اڈے کو ڈرون طیاروں سے نشانہ بنایا،جس کے نتیجے میں 16افراد زخمی ہوگئے۔ ادھر عرب اتحاد کے ترجمان نے دعویٰ کیا کہ جازان کے شاہ عبداللہ ہوائی اڈے کو ڈرون طیارے سے نشانہ بنانے کی کوشش ناکام بنا دی۔ بارود سے لدے ڈرون طیارے کو گرائے جانے کی کارروائی کے دوران جاسوسی طیارے کے کچھ ٹکڑے ہوائی اڈے کے اندرونی حصوں میں گرے جس کے نتیجے میں 16افراد کو زخمی آئے، تاہم کوئی بڑا نقصان نہیں ہوا۔
