لیہ: ایم ایم روڈ گولہ اڈا کے قریب خوفناک ٹریفک حادثے کے نتیجے میں 6 افراد جاں بحق جبکہ 10 سے زائد زخمی ہوگئے۔
تفصیلات کے مطابق لیہ میں ایم ایم روڈ پر گولہ اڈا کے قریب مسافر وین تیز رفتار کار سے ٹکرا گئی، حادثے میں 6 افراد جاں بحق جب کہ 10 سے زائد زخمی ہوگئے۔
واقعے کے بعد ریسکیو ٹیمیں موقع پر پہنچیں اور لاشوں اور زخمیوں کو چوک اعظم اسپتال منتقل کردیا گیا۔
اسپتال میں زخمیوں کو طبی امداد فراہم کی جارہی ہے جب کہ لاشوں کو ضابطے کی کارروائی کے بعد ورثا کے حوالے کردیا جائے گا۔