اسلام آباد: متحدہ اپوزیشن نے وزیراعظم عمران خان کے خلاف تحریک عدم اعتماد کی کامیابی کے بعد صدر عارف علوی کے خلاف مواخذے کی تحریک لانے کا فیصلہ کیا ہے۔
ذرائع کے مطابق متحدہ اپوزیشن نے صدر مملکت کے خلاف مواخذے کی تحریک پیش کرنے کا فیصلہ کیا ہے، اپوزیشن ذرائع کا کہنا ہے کہ عدم اعتماد کی کامیابی کے فوری بعد صدر مملکت کے خلاف مواخذے کی تحریک پیش کی جائے گی۔
ذرائع کا بتانا ہے کہ نئے صدر کے امیدوار کے لیے آصف زرداری اور مولانا فضل الرحمان پر مشتمل 2 رکنی کمیٹی قائم کر دی گئی ہے۔
ذرائع کے مطابق اپوزیشن میں طے ہو گیا ہے کہ صدر پیپلز پارٹی یا جے یو آئی ف میں سے ہو گا، نیا صدر عارف علوی کی باقی مدت پوری کرے گا۔