مقبوضہ بیت المقدس (انٹرنیشنل ڈیسک) اسرائیل نے میزائلوں کی بارش کے مفروضے کو لے کر یونانی جزائر میں پناہ گاہ کی تلاش شروع کردی۔ خبررساں اداروں کے مطابق اسرائیل میں یونان کے خالی جزائر کو خریدنے کی تجویز پر بحث جاری ہے۔ خبررساں اداروں کے مطابق اراضی خریدنے والے یہودی قومی فنڈ کے ترجمان ایوری اسٹینر نے یونان میں بڑے پیمانے پر ر جزیروں کی خریداری کا خیال پیش کیا ہے، تاکہ جنگ کی صورت میں وہاں فرار ہوکر استعمال کیا جا سکے۔ ادھر لیکوڈ پارٹی کے سابق رکن اور دیگر ارکان نے اس کی مخالفت کی ہے۔ تجویز کے حامیوں کا دعویٰ ہے کہ یہ خیال آئرن ڈوم کے مترادف ہے۔ اس خیال کے پیچھے بہت سے محرکات ہیں۔ لبنان جنگ 2006 ء کے دوران، میزائلوں کو شہروں تک پہنچتے دیکھا گیا اور آج وہ مزید طاقت کے ساتھ آسکتے ہیں۔ یونان میں اس وقت 40 خالی جزیرے ،جو اسرائیل کے قریب ہیں اور ان کی خریداری ناممکن نہیں ہے۔
