پشاور: ماہ رمضان المبارک کی آمد کے باعث بازاروں میں خریداری کے حوالے سے رش بڑھ گیا ہے تاہم شہریوں میں رش کے حوالے سے شدید خوف و ہراس پھیل رہا ہے، خریدار جلد ی جلد ی خریداری کر کے واپس جا رہے ہیں ہشتنگری، سبزی منڈی ، پیپل منڈی، اشرف روڈ ، نوتھیہ، صدر روڈ، رامداس سمیت مختلف بازاروں میں خریداروں کی جانب سے رمضان کی خریداری شروع کردی ہیں۔
تاہم ان بازاروں کو دہشت گردی کے حوالے سے حساس قرار دینے کے باعث تاجروں اور خریداروں میں خوف و ہراس کی فضاء تاحال برقرار ہے۔ رمضان المبارک سے قبل خریداری میں اضافہ ہونا شروع ہو گیا ہے تاہم تاجروں نے بھی خریداروں کو دونوں ہاتھوں سے لوٹنا شروع کر دیا ہے ۔