بنگلورو: بھارتی ریاست کرناٹک میں اساتذہ کو حجاب والی طالبات کو امتحان میں بیٹھنے کی اجازت دینے پر معطل کر دیا گیا ہے۔بھارتی میڈیا کی رپورٹ کے مطابق، بھارتی ریاست کرناٹک میں کچھ اسکولوں نے حجاب والی طالبات کو امتحان میں بیٹھنے کی اجازت دینے پر اساتذہ کو معطل کردیا ۔ ایک اسکول نے حجاب والی طالبات کو اور ایک اسکول میں برقعہ پہنے طلبہ کو امتحان میں بیٹھنے کی اجازت دی۔ جیسے ہی میڈیا نے واقعے کو ہائی لائٹ کیا تو محکمہ تعلیم نوٹس لینے کے لیے موقع پر پہنچ گیا۔
اس حوالے سے بھارتی میڈیاکی ایک رپورٹ کے مطابق حکام نے امتحانی مرکز کے پانچ انویجیلیٹرز اور دو سپرنٹنڈنٹس کو معطل کیا ہے۔ریاستی وزیرداخلہ نے کرناٹک میں سیکنڈری اسکول لیونگ سرٹیفکیٹ کے امتحانات کے آغاز پر کہا تھا کہ امتحانی ہال میں حجاب پہن کر آنے والوں کے خلاف کارروائی کی جائے گی۔
واضح رہے کہ رواں ماہ کے آغاز میں کرناٹک ہائی کورٹ نے تعلیمی اداروں میں حجاب پہننے سے متعلق ایک فیصلہ سناتے ہوئے حجاب کو غیر ضروری مذہبی عمل قرار دیا تھا اور اسکولوں میں طالبات کو حجاب پہننیکی اجازت دینے سے انکار کردیا تھا۔