سیئول (انٹرنیشنل ڈیسک) جنوبی کوریا میں 2تربیتی طیارے دوران پرواز تصادم کے نتیجے میں مکمل طور پر تباہ ہوگئے،جس کے نتیجے میں 3پائلٹ ہلاک اور ایک شدید زخمی ہوگیا۔ خبررساں اداروں کے مطابق طیاروں کے درمیان تصادم کا واقعہ ملک کے جنوب مشرقی حصے کے شہر ساچیون کے پاس واقع کے ٹی ون ائر بیس کے پاس پیش آیا۔ حادثے کے فوراً بعد 30سے زائد فائر فائٹروں نے جائے وقوع پر امدادی کارروائیاں شروع کردیں۔