لندن :برطانیہ رواںہفتے اپنے توانائی کے ذرائع کووسعت دینے کے منصوبوں کی تفصیل پیش کررہا ہے کیونکہ یوکرین میں جنگ، روس پر پابندیاں اور روزمرہ اخراجات میں اضافے کے بحران کے پیش نظر یورپ بھر کے ممالک فوری طور پر بجلی اور گھروں کو گرم رکھنے کے طریقے کو بہتربنانے پرمجبورہوگئے ۔
میڈیارپورٹس کے مطابق برطانیہ جوہری اورہوا سے بجلی پیداکرنے پرمرکوز کرے گا۔حکومت کے وزیرگرانٹ شپس نے کہا کہ وہ توقع کرتے ہیں کہ مزید جوہری ری ایکٹروں بشمول چھوٹی گنجائش والے ری ایکٹروں اورآف شور ونڈ فارمز کو بڑھانے کی تجاویز کاجائزہ لیا جائے۔اگرچہ وہ ساحل پر مزید ٹربائن لگانے کی وکالت نہیں کرتا۔برطانیہ کے ٹرانسپورٹ کے وزیرشپس نے بتایا کہ میں ساحلی ہوا کے فارموں میں توسیع کا حامی نہیں ہوں ،وہ کمیونٹیز کے ساتھ ساتھ شور کے مسائل پیدا کر سکتے ہیں۔
ماحولیاتی تحفظات کی وجوہ کی بنا پراس کے ساتھ جانے کا راستہ بڑی حد تک سمندر پر ہے۔ شپس نے برطانیہ میں راشن بندی سے انکارکردیا کیونکہ ان کاملک جرمنی جیسی دیگر بڑی یورپی معیشتوں کے مقابلے میں روسی درآمدات پر بہت کم انحصار کرتا ہے۔انھوں نے کہا کہ برطانیہ اگرچہ بین الاقوامی مارکیٹ کی وجہ سے اب بھی بڑھتی ہوئی لاگت سے دوچار ہے۔
برطانوی وزیرتجارت کواسی کوارٹینگ چند دنوں کے اندر توانائی کی سلامتی کے نئے منصوبے کی تفصیل کا اعلان کرنے والے ہیں۔ ہوا اور جوہری کے ساتھ ساتھ شمسی توانائی سے بجلی کی پیداوار بڑھانے کی بھی کوشش کی جائے گی۔کوارٹینگ نے روزنامہ ٹیلی گراف کو بتایا کہ برطانیہ توسیع کے حصے کے طور پر 2050 تک سات نئے جوہری بجلی گھر تعمیر کر سکتا ہے۔
