مقبوضہ بیت المقدس (انٹرنیشنل ڈیسک) فلسطینی مرکز برائے اسیران کا کہنا ہے کہ اسرائیلی حکام نے رمضان کے مقدس مہینے کی حرمت کا خیال نہیں رکھا اور فلسطینی علاقوں میں گرفتاریوں میں ریکارڈ اضافہ کیا۔ رمضان کے ابتدائی 12 روز کے دوران 174 فلسطینی شہریوں کو گرفتارکیا گیا۔ قابض فوج نے مغربی کنارے کے شہروں ، دیہات اور قصبوں میں دراندازی تیز کردی۔ اس دوران چھاپے مارے گئے، گھروں میں گھس کر توڑ پھوڑ کی گئی اور درجنوں بچوں کو حراست میں لیا گیا۔ ایک رپورٹ کے مطابق رمضان کے دوران 19بچوں کو حراست میں لیا گیا۔