اسلام آباد:تحریک انصاف (پی ٹی آئی ) چیئرمین اور سابق وزیر اعظم عمران خان نے وزیر اعلیٰ پنجاب کے انتخاب کو مسترد کر دیا ہے۔
سماجی رابطے کی ویب سائٹ ٹوئٹ کرتے ہوئے عمران خان نے کہا کہ پنجاب اسمبلی میں جو کچھ ہوا وہ قابلِ مذمت ہے، تمام جمہوری اصولوں اور آئینی دفعات کی خلاف ورزی کی گئی۔انہوں نے کہا کہ وزیر اعلیٰ کا الیکشن کرانے کیلئے کوئی بھی چیئر پر موجود نہیں تھا۔
پنجاب اسمبلی میں جو کچھ ہوا وہ دستوری دفعات،جمہوری اقدارسےیکسرمتصادم اور نہایت قابلِ مذمت تھا۔انتخاب کےانعقادکیلئےکوئی بھی شخص کرسئ صدارت پر موجود نہ تھا جو اقدار سےکھلا انحراف ہے۔مافیا کےزیرِتسلط اس انتخابی ڈھکوسلے/جعلی انتخاب کو ہم یکسر مسترد کرتےہیں۔#امپورٹڈ_حکومت_نامنظور
— Imran Khan (@ImranKhanPTI) April 17, 2022
عمران خان نے کہا کہ ہم مافیا کے زیرِ قبضہ ہونے والے انتخابات کو مسترد کرتے ہیں۔ان کا کراچی جلسے سے متعلق کہنا تھا کہ کراچی جلسے میں شرکت پر عوام کا شکریہ ادا کرتا ہوں، ہماری جنگ جمہوریت اور پاکستان کی خودمختاری کیلئے ہے۔
چیئرمین پی ٹی آئی نے مزید کہا کہ امریکا نے کرپٹ سیاسی مافیا کی مدد سے حکومت تبدیلی کی سازش رچائی۔
