کراچی:سندھ کے صوبائی وزیر جامعات اینڈ بورڈز اسماعیل راہو نے کہا ہے کہ چینی اساتذہ کو فول پروف سکیورٹی دی گئی تھی، چینی ڈائریکٹر کو اساتذہ کی نقل وحرکت محدود بنانے کیلئے خط لکھا تھا۔
اس موقع پر میڈیا سے گفتگو کرتے ہوئے صوبائی وزیر نے کہا کہ جامعہ کراچی میں سکیورٹی کے مکمل انتظامات ہیںصوبائی وزیر جامعات اسماعیل راہو نے کراچی یونیورسٹی میں دھماکے کے مقام کا دورہ کیا۔
انہوں نے کہا کہ چینی اساتذہ واک بھی سکیورٹی میں کرتے تھے تاہم اپنی سکیورٹی کے باوجود بدقسمتی سے یہ واقعہ رونما ہوا۔صوبائی وزیر نے کہاکہ رینجرز کے4 اہلکار سکیورٹی پر مامور تھے، 2 زخمی ہوئے ہیں۔انہوں نے کہا کہ جامعہ کی سطح پر سکیورٹی میں کوتاہی ثابت ہوئی تو سخت کارروائی کریں گے۔