لاہور: انسدا د دہشتگردی کی خصوصی عدالت نے لانگ مارچ کے دوران سرکاری املاک کو نقصان پہنچانے، توڑ پھوڑ اور پولیس پر تشدد کے الزام میں قائم مقدمے میں پی ٹی آئی رہنماﺅں کی عبوری ضمانت میں 27جولائی تک توسیع کر دی۔
لاہور کی انسداد دہشتگردی کی خصوصی عدالت کی جج عبہر گل نے کیس کی سماعت ہوئی۔پی ٹی آئی رہنما حماد اظہر، یاسمین راشد، میاں اسلم اقبال، اعجاز چوہدری، جمشید اقبال چیمہ، عندلیب عباس، مسرت جمشید چیمہ سمیت دیگر عدالت کے روبرو پیش ہوئے۔ عدالت نے تمام ملزمان کی عبوری ضمانت میں27 جولائی تک توسیع کرتے ہوئے تفتیشی افسران سے آئندہ سماعت پر مکمل ریکارڈ طلب کرلیا۔
