غلطی اور اس کی تصحیح دونوں لاڈلے کے حق میں کی گئیں، مریم نواز

پاکستان مسلم لیگ (ن) کی نائب صدر مریم نواز نے چیف جسٹس آف پاکستان جسٹس عمر عطا بندیال کو مخاطب کرتے ہوئے یہ بھی لکھا کہ یہ کیا کر بیٹھے آپ چیف جسٹس صاحب ؟غلطی اوراس کی تصحیح دونوں لاڈلے کے حق میں کی گئیں۔

(ن) لیگ کی رہنما مریم نواز نے ٹوئٹر پربیان میں کہا کہ غلطی کی تو لاڈلے کے حق میں اورغلطی کی تصحیح کی تو بھی لاڈلے کے حق میں۔کیسے جواز پیش کریں گے اس کھلی بلکہ ننگی ناانصافی کا۔

غلطی کی تو لاڈلے کے حق میں، غلطی کی تصحیح کی تو بھی لاڈلے کے حق میں؟ کیسے جسٹفائی کریں گے اس کھلی بلکہ ننگی ناانصافی کو؟ یہ بھی عدالتی قتل ہوا ہے مگر اس بار مقتول عدل و انصاف ہے! یہ کیا کر بیٹھے آپ چیف جسٹس صاحب؟ pic.twitter.com/YH7QbtewcM

— Maryam Nawaz Sharif (@MaryamNSharif) July 27, 2022

مریم نواز کا مزید کہنا تھا کہ یہ بھی عدالتی قتل ہوا ہے مگر اس بار مقتول عدل اورانصاف ہے۔ یہ کیا کر بیٹھے آپ چیف جسٹس صاحب۔

انہوں نے مزید سخت الفاظ استعمال کرتے ہوئے لکھا کہ کیسے جسٹفائی کریں گے اس کھلی نا انصافی کو؟۔ یہ بھی عدالتی قتل ہوا ہے مگر اس بار مقتول عدل و انصاف ہے۔

واضح رہے کہ ڈپٹی اسپیکر پنجاب اسمبلی کی رولنگ کے خلاف پرویز الہیٰ کی سپریم کورٹ میں دائر درخواست پر عدالت عظمیٰ نے فیصلہ دیتے ہوئے حمزہ شہباز کو وزارت اعلیٰ کے منصب سے فارغ کرنے اور پرویز الہیٰ کو وزیراعلی بنانے کا حکم دیا تھا۔