اسلام آباد :چیف الیکشن کمشنر سکندر سلطان راجا نے ضمنی انتخابات میں رکاوٹ ڈالنے والے افراد کو فوری طور پر گرفتار کرنے کی ہدایت کر دی۔
چیف الیکشن کمشنر سکندر سلطان راجا نے ہدایت جاری کرتے ہوئے کہا کہ پولنگ میں مداخلت اور ہنگامہ آرائی کرنے والوں کو فوری طور پر گرفتارکیا جائے۔
چیف الیکشن کمشنر نے کہاکہ اگرکوئی سرکاری ملازم دھاندلی میں ملوث پایاگیا تو گرفتارکیا جائے اور کسی قسم کی نرمی نہ کی جائے، پولنگ کو ہر صورت یقینی اور پرامن بنایا جائے۔چیف الیکشن کمشنر نے عوام کو بھی پیغام دیا ہے کہ عوام بلاخوف و خطر ووٹ ڈالنے آئیں۔