اسلام آباد: پاکستان تحریک انصاف کے سیکرٹری جنرل اسد عمر نے کہا ہے کہ چیف جسٹس آف پاکستان کو اپنے منصب کی ذمہ داری نبھانا پڑے گی۔
سماجی رابطے کی ویب سائٹ ٹوئٹرپربیان میں انہوںنے کہا کہ باعث احترام چیف جسٹس صاحب، اعظم سواتی آپ کو دیکھ رہے ہیں، ارشد شریف کے ورثا آپ کو دیکھ رہے ہیں، عمران خان آپ سے سوال کر رہے ہیں، قوم آپ کو دیکھ رہی ہے،آپ کو اپنے منصب کی ذمہ داری نبھانا پڑے گی یا اعلان کر دیں کے طاقتور کے خلاف آواز اٹھانے والوں کے لئے انصاف کے دروازے بند ہیں۔