اسلام آباد: تحریک انصاف کے رہنما فواد چوہدری نے کہاہے کہ جب تک غیر منتخب افراد پاکستان پر قابض اور مالک رہیں گے نظام میں تبدیلی نہیں ہو سکتی۔
فواد چوہدری نے کہاکہ ایک گریڈ 20 کا رجسٹرار کروڑوں ووٹروں کے نمائندوں کو دروازے پر کھڑا کر کے بے عزت کر سکتا ہے، باتیں جمہوریت اور پارلیمان کی بالادستی کی ہوتی ہیں،اس نظام کے خلاف منظم مہم وقت کی ضرورت ہے۔
میڈیا رپورٹ کے مطابق آئینی درخواست دائر کرنے سپریم کورٹ پہنچنے پر تحریک انصاف کے رہنماؤں کو احاطہ عدالت میں داخل ہونے سے روک دیا گیا ۔